Ağstafa şəhər uşaq musiqi məktəbi Azərbaycan SSR-i Mədəniyyət Nazirliyinin 10 iyul 1975-ci il tarixli 239 №-li əmrinə əsasən yaradılmışdır. 2016-cı ildə Azərbaycan Respublikasının prezidentinin qərarı ilə yeni tipli musiqi məktəbi tikilib istifadəyə verilmişdir. Məktəbin ərazisi 1.33hektardır. Məktəbin 40 sinif otağı 300 yerlik konsert zalı vardır. Hal-hazırda məktəbdə 252 nəfər şagird təhsil alır. Bu şagirdlərə 86 nəfər müəllim musiqini tədris edir. Məktəbdə fortepiano, tar, kamança, saz, nağara, skripka, qarmon və muğam ixtisasları tədris olunur.