Azərbaycan Respublikası Mədəniyyət Nazirliyi

Şəmkir Regional Mədəniyyət İdarəsi

Xəbərlər
Xəbərlər
|

Göygöl rayonunda Vətən müharibəsi şəhidi Muradov Nadir Əhməd oğlunun əziz xatirəsinin əbədiləşdirilməsi üçün inşa edilmiş bulaq kompleksi abidəsinin açılış mərasimi keçirilib.

12.01.2022

12.01.2021-ci il tarixdə Göygöl rayonunda Şəhid Muradov Nadir Əhməd oğlunun anım günü münasibəti ilə məzarı ziyarət edilib. Şəhidin əziz xatirəsi yad edildi və qəbri önünə gül dəstələri qoyuldu. Anım günündə Göygöl Rayon İcra Hakimiyyətinin başçısının səlahiyyətlərinin müvəqqəti icraçısı, başçının birinci müavini Turani Əliyev, ŞRMİ-nin Göygöl rayonu üzrə mədəniyyət müəssisələrinin işçi kollekitivi, rayonun digər rəhbər şəxsləri, ictimaiyyət nümayəndələri, şəhid ailələri, qazilər və media nümayəndələri iştirak ediblər.

Şəhid Nadir Muradov 1996-cı ildə noyabrın 18-də Göygöl rayonu Gəncə qəsəbəsində anadan olub. 2014-cü ilin yanvar ayından 2015-ci ilin iyul ayınadək “N” saylı hərbi hissədə həqiqi hərbi xidmət keçmişdir. 2018-ci ildə “N” saylı hərbi hissədə müddətdən artıq xidmət edən hərbi qulluqçu kimi xidmətə başlamışdır.

27 sentyabr 2020-ci ildə 44 günlük Vətən müharibəsi başlayan zaman hərbi döyüşlərdə iştirak etmişdir. Nadir Muradov 2 oktyabr 2020-ci il tarixdə Kəlbəcər rayonu istiqamətində gedən döyüşlərdə şəhid olmuşdur. Nadir Əhməd oğlu Muradovun nəşi 12 yanvar 2021-ci ildə Göygöl şəhər Şəhidlər Xiyabanında torpağa tapşırılmışdır.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Nadir Əhməd oğlu Muradov, Azərbaycan Respublikasının Prezidentinin Sərəncamı ilə ölümündən sonra “Vətən uğrunda”, “Şücaətə görə” və “Kəlbəcərin azad olunmasına görə” medalı ilə təltif edilib. Subaydır.

Şəhidin adının əbədiləşdirilməsi məqsədilə Göygöl rayon Gəncə qəsəbəsində küçələrdən biri Nadir Muradovun adını daşıyır.

Göygöl rayonunda I Qarabağ müharibəsinin şəhidi Xəlil Ədil oğlu Muradov və Vətən müharibəsi şəhidi Muradov Nadir Əhməd oğlunun əziz xatirəsinin əbədiləşdirilməsi üçün inşa edilmiş bulaq kompleksi abidəsinin açılış mərasimi keçirilib. Tədbirdə ŞRMİ-nin Göygöl rayonu üzrə nümayəndəsi, rayonun digər rəhbər şəxsləri, ictimaiyyət nümayəndələri, şəhid ailələri, qazilər iştirak ediblər.

Allah bütün şəhidlərimizə rəhmət eləsin!