Azərbaycan Respublikası Mədəniyyət Nazirliyi

Şəmkir Regional Mədəniyyət İdarəsi

Xəbərlər
Xəbərlər
|

“Sən azadsan Şuşa” adlı inşa müsabiqəsinin ikinci mərhələsi keçirilib

21.11.2021

8 Noyabr Zəfər günü ilə əlaqədar ŞRMİ-nin Göygöl rayonu üzrə nümayəndəliyinin təşəbbüsü, Göygöl rayon Heydər Əliyev Mərkəzinin və Göygöl rayon Təhsil şöbəsinin birgə təşkilatçılığı ilə “Sən azadsan Şuşa” adlı inşa müsabiqəsinin ikinci mərhələsi keçirildi.

Tədbir Azərbaycan Respublikasının Dövlət Himninin səsləndirilməsi ilə başladı. Daha sonra torpaqlarımızın azadlığı uğrunda canlarından keçən igid oğullarımızın əziz xatirəsi bir dəqiqəlik sükutla yad edildi.

Daha sonra ŞRMİ-nin Göygöl rayonu üzrə nümayəndəsi Pərviz Hümbətov tədbir və müsabiqə haqqında ümumi məlumat verdi. Göygöl Rayon Təhsil şöbəsinin Metodiki Mərkəzin direktoru Afət Ələkbərova və münsiflər heyyətinin üzvü Topalhəsənli kənd tam orta məktəbin direktoru Yeganə İgəndərova çıxış etdilər.

Sonda müsabiqənin qalibləri və fəal iştirakçıları, şagirdlərin fəal iştirakını təmin edən məktəblər və münsiflər heyyəti mükafatlandırıldı.

“Sən azadsan Şuşa” adlı inşa müsabiqəsində:

| yer - Hacıməlik ŞTQ 2 nömrəli tam orta məktəbin XI sinif şagirdi – Məmmədova Aynurə Müşviq qızı;

|| yer - Çaylı kənd tam orta məktəbin VIII sinif şagirdi –Nəcəfzadə Canan Kazım qızı;

||| yer- 5 nömrəli şəhər tam orta məktəbin IX sinif şagirdi – İsayeva Fidan Vüqar qızı.

Müsabiqədə iştirak edən hər kəsə təşəkkür edirik!