Şəmkirdə keçirilən əyləncəli və musiqili Yay Fest festivalı başa çatdı

“Konstitusiya və Suverenlik İli” çərçivəsində Şəmkir Rayon İcra Hakimiyyəti və Qazax-Tovuz Regional Mədəniyyət İdarəsinin birgə təşkilatçılığı ilə sakinlərimizin asudə vaxtlarının səmərəli təşkili üçün keçirilən Yay Fest festival başa çatıb.

Rayonumuzun gənc istedadlarının şəxsi və peşəkar inkişafına, yaradıcı və təşəbbüskar gəncliyin formalaşmasına dəstək olmaq, eyni zamanda gənclərdə vətənpərvərlik ruhunun gücləndirilməsi məqsədilə keçirilən tədbirdə izləyicilər üçün əyləncəli və musiqili proqramlar təqdim olunub.

Tədbirin sonunda festivalın keçirilməsində əməyi olan gənc istedadlara Şəmkir Rayon İcra Hakimiyyəti başçısının birinci müavini Süleyman Zeynallı tərəfindən RİH başçısının Təşəkkürnamələri təqdim olunub.

Qeyd edək ki, artıq ənənəvi olaraq keçirilən musiqili yay festivalına ötən il olduğu kimi bu il də sakinlərimiz tərəfindən maraq göstərilib.

#QazaxTovuzRMI #festival #Şəmkir #YayFest #mədəniyyət