Dekabrın 24-də Qazax - Tovuz Regional Mədəniyyət İdarəsi Tovuz rayon Aşıq Ə.Cəfərov adına Mədəniyyət Mərkəzinin təşkilatçılığı və H.Bozalqanlı adına Azərbaycan Aşıq Sənəti Dövlət Muzeyinin və Tovuz Dövlət Rəsm Qalereyasının iştirakı ilə 31 dekabr - Dünya Azərbaycanlılarının Həmrəyliyi Günü və Yeni ilin gəlişi ilə bağlı "Yeni il astanasında" adlı geniş formatlı tədbir Abulbəyli kənd folklor evində təşkil olunub. Tədbirin tamaşaçı qismində qonaqları Tovuz şəhər Körpələr evi - Uşaq baxçalarının balaca fidanları olub. Olduqca maraqlı və rəngarəng keçən tədbir tamaşaçılar tərəfindən rəğbətlə qarşılanıb.