26 noyabr 2024-cü il tarixdə Qazax şəhər 2 nömrəli Uşaq Musiqi Məktəbində xadimə işləmiş Vəliyeva Şərqiyə İsmayıl qızının 65 illik yubileyi və təqaüdə yola salınması münasibəti ilə məktəbdə tədbir keçirildi. Tədbir Qazax şəhər 2 nömrəli Uşaq Musiqi Məktəbinin və Mədəniyyət İşçiləri Həmkarlar İttifaqı Qazax rayon komitəsinin birgə təşkilatçılığı ilə təşkil olunub. İlk öncə məktəbin direktoru Ramil Qurbanov çıxış edərək bildirdi ki, Şərqiyə Vəliyeva uzun illər qüsursuz fəaliyyət göstərib, işçilərlə səmimi mehriban davranışında xüsusilə fərqlənib.
Sonra Mədəniyyət İşçiləri Həmkarlar İttifaqnın Qazax rayon Komitəsinin sədri İsgəndər Qurbanov çıxış edərək Şərqiyə Vəliyevanın işgüzar və xoş rəftar edən əməkdaş olduğunu, məktəb kollektivi üçün  qayğıkeş bir ana kimi özünü göstərdiyini diqqətə çatdırdı. Ona gələcək həyatında xoş günlər arzuladı.
Daha sonra məktəbin müəllimləri yubilyar haqqında şirin xatirələrdən danışdılar və ona ən xoş arzularını bildirdilər.
Tədbirin sonunda Şərqiyə Vəliyevaya Mədəniyyət İşçiləri Həmkarlar İttifaqnın Qazax rayon Komitəsinin hədiyyəsi təqdim olundu.