Noyabrın 7-də Tovuz rayon Tarix -Diyarşünaslıq muzeyində Heydər Əliyev Mərkəzinin, Mərkəzi Kitabxanın və Tarix - Diyarşünaslıq muzeyinin birgə təşkilatçılığı ilə  9 Noyabr - Dövlət Bayrağı Gününə həsr olunmuş “Bayrağımız qürur mənbəyimiz, and yerimizdir” adlı tədbir keçirilib.
Tədbir ilk öncə Dövlət Himninin səsləndirilməsi və şəhidlərimizin xatirəsinin bir dəqiqəlik sükutla yad edilməsi ilə başlayıb.
Tədbirdə çıxış edənlər Azərbaycan Dövlətinin suverenliyinin rəmzi olan üçrəngli bayrağımızın əhəmiyyəti, istifadə qaydaları haqqında  məlumat verib və bildiriblər ki, bu gün Azərbaycan bayrağı Azərbaycanın bir çox nüfuzlu beynəlxalq təşkilatlarının önündə dalğalanaraq varlığımızı, gücümüzü, müstəqilliyimizi, suverenliyimizi və milli kimliyimizi bütün dünyaya nümayiş etdirir. Müzəffər Ali Baş Komandan İlham Əliyevin rəhbərliyi ilə 44 günlük Vətən müharibəsində tarixi Zəfər bayrağımızı 30 illik həsrətdən sonra doğma yurdumuza geri qaytardı və bu gün bayrağımız həmin ərazilərdə də qürurla dalğalanır və biz çox xoşbəxt xalqıq ki, bu tarixi hadisələrə şahidlik edirik.
"5 saylı körpələr evi uşaq bağçası"-dan dəvət edilmiş fidanlar hazırladıqları şeirlərlə tədbirə xüsusi rəng qatıblar.