05 sentyabr 2024-cü il tarixində Tovuz rayon Mərkəzi kitabxanası Əməkdar incəsənət xadimi, şair-dramaturq  Hidayət Orucovun anadan olmasının 80 illiyi ilə əlaqədar "Hidayət-80" mövzusunda sərgi və dəyirmi masa təşkil edib.
 Tədbirdə əvvəlcə müasir Azərbaycan ədəbiyyatında öz dəst-xətti ilə tanınan  nasir və kəsərli publisist   Hidayət Orucovun həyat və yaradıcılığı barədə məlumat verilib və vurğulanıb ki, ədib öz rəngarəng ədəbi- bədii töhfələri ilə geniş oxucu auditoriyasının həmişə maraq dairəsində olmuşdur. Onun yaradıcılığı da həyatı və ictimai fəaliyyəti kimi, xalqımızın milli-mənəvi oyanış müstəvisində yoğrularaq daim ön cərgələrdə addımlamışdır.Yazıçının altmışdan çox poeziya, nəsr, publisistika, tərcümə və digər kitabları nəşr olunub. Onun xarici dillərdə çıxmış "Mən belə yaşayıram", "Nura qovuşacağıq" (rus dilində), "İntizar", "Sənsiz" (gürcü dilində), "Sabaha çox var" (Dağıstan dillərində), "Dağlar nəğməsi" (özbək dilində) və başqa kitabları maraqla qarşılanıb.