2 Avqust 2024-cü il tarixdə Qazax rayon Mərkəzləşdirilmiş Kitabxana Sisteminin E.Hüseynov adına Mərkəzi kitabxanası  2 Avqust Azərbaycan Kinosu Gününə həsr olunmuş “Azərbaycan kinosu- tariximizin salnaməsi” adlı videoçarx nümayiş etdirib.
Tədbirdə bir qrup fəal oxucu və kitabxana əməkdaşları  iştirak edib. Şöbə müdiri Fatma Hüseynova Azərbaycan kinosunun tarixi haqqında ətraflı çıxışında ilk ekranlaşdırılmış “Neft və milyonlar səltənətində” filmindən başlanmış yüksəliş yolu ilə gedən kino sənətindən, Azərbaycan dövlətinin, ilk növbədə mədəniyyətimizin böyük himayədarı Ulu Öndər Heydər Əliyevin, Respublika Prezidenti İlham Əliyevin mədəniyyətə, İncəsənətə, xüsusilə kino sənətinin inkişafına dair imzaldıqları Fərman və Sərəncamlar haqqında məlumat verib. Müasir dövrümüzdə İkinci Qarabağ müharibəsi zamanı qazanılan şanlı qələbəmiz haqqında filimlər yaradılmasına göstərilən diqqət və qayğıdan söhbət açıb.
Nümayiş olunan videoçarxda Ulu Öndərə həsr olunmuş “Heydər Əliyev. Əsl Məhəbbət haqqında”, vətənpərvərlik mövzusuna həsr olunmuş “Fəryad”, “Oğul”, milli adət -ənənələrimizi əks etdirən “Arşın mal alan”,“Görüş” filmlərindən epizodlar izlənilib.