22.07 2024 - cü il tarixində Qazax  Tarix Diyarşünaslıq Muzeyi  və M.P.Vaqif və M.V.Vidadi  Xatirə muzeyinin birgə təşkilatçılığı ilə Milli Mətbuat  gününə həsr olunmuş "Milli Mətbuat -149 "adlı  dəyirmi masa  keçirilib.Tədbirdə ilk öncə torpaqlarımızın azadlığı uğrunda həlak olmuş şəhidlərin  əziz xatirəsi bir dəqiqəlik sükutla yad edilib.Tədbirdə çıxış edən məruzəçilər qeyd ediblər  ki, Azərbaycanda milli mətbuatın ana dilində ilk qəzetin  nəşrə başlamasının 149 ili tamam olur.1875 - cı ilin 22 iyulunda  görkəmli maarifçi, təbiətşünas alim, publisist, mütəfəkkir Həsən bəy Zərdabinin əsasını qoyduğu,,Əkinçi" qəzeti ilə xalqımızın milli oyanışından yeni səhifə Azərbaycan milli mətbuatının təməlini qoyan bu qəzet, ikiillik ömür yaşasa da,o dövrün görkəmli maarifçiləri "Əkinçi " qəzetinin səhifələrində öz maarifçi və  demokratik ideyalarını təbliğ edərək ictimai, siyasi və bədii fikrin inkişafına böyük təsir göstərmişlər.