18 iyul 2024-cü il tarixində Qazax rayon MKS-nin E.Hüseynov adına Mərkəzi Kitabxanasının oxu zalında 44 günlük Vətən müharibəsinin Qazax şəhidlərinin xatirəsinə həsr olunmuş “Qazax elinin şəhidləri!”, ”Unutmadıq, Unutmarıq!” adlı videoçarx nümayiş etdirilib. Tədbirdə bir qrup tələbə, fəal oxucu və kitabxana əməkdaşları iştirak ediblər. İlk öncə Vətən şəhidlərinin əziz xatirəsi bir dəqiqəlik sükutla yad edilib. Tədbiri giriş sözü ilə açan xidmət şöbəsinin müdiri Bəsdi Məmmədova bildirdi ki, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin yenilməz iradəsi, rəşadətli ordumuzun qəhrəmanlığı sayəsində, xalqımızın qurtuluş savaşı zəfərlə başa çatmış, işğalçı Ermənistan  təslim olmağa məcbur edilmiş və ölkəmizin ərazi bütövlüyü təmin edilmişdir. Doğum günləri iyul ayında qeyd olunan “Qarabağ müharibəsinin Qazax Şəhidlərinin qısa və şərəfli ömür yolunu əks etdirən videoçarxda ölümləri ilə ölümsuzlüyə qovuşan,əbədiyaşar  qəhrəmanlarımızdan olan, “Vətən uğrunda”, ”Kəlbəcərin azad olunmasına görə“ medalları ilə təltif olunan Kərimov Kamil Ələddin oğlunun “Qarabağ ordenli”, “Vətən uğrunda”, “Cəbrayılın azad olunmasına görə”, “Kəlbəcərin azad olunmasına görə”, “Xocavəndin azad olunmasına görə” medalları ilə təltif olunan baş leytenant Hüseynov Nəbi Hacıbala oğlunun “Azərbaycan Bayrağı” ordenli “Vətən uğrunda”, “Cəsur döyüşçü”,  “Xocavəndin azad olunmasına görə”medalları ilə təltif olunmuş baş leytenant Nəsibova Xaliddin Vaqif oğlunun “Azərbaycan  Bayrağı ordenli”, ”Vətən uğrunda”, “Şuşanın azad olunmasına görə” , “Xocavəndin azad olunmasına görə”, “Kəlbəcərin azad olunmasına görə” medalları ilə təltif olunmuş baş çavuş Qəsəbov İsmayıl Nəbi oğlunun, “Vətən uğrunda”, “Laçının azad olunmasına görə”, “Suqovuşanın azad olmasına görə” medalları ilə təltif olunmuş Vəliyev Anar Həmzə oğlunun qısa və şərəfli ömür yolundan epizodlar nümayiş olunub.