19 dekabr 2018 –ci il tarixdə saat 10:30 da Qazax rayon MKS E.Hüseynov adına  Mərkəzi kitabxananın oxu zalında Daş Salahlı kənd 1 saylı kitabxana filialın müdiri Göyçək İbrahimovanın  nümunəvi kitabxanaçı kimi fəaliyyətinə və anadan olmasının 60 illiyinə həsr olunmuş görüş keçirib. Görüşü MKS- nin direktoru Solmaz Babanlı açaraq Göyçək İbrahimovanın uzun illər kitabxana sahəsində səmərəli fəaliyyət göstərdiyini, bilikli, peşəkar, qabaqcıl filial müdiri olduğunu qeyd edib. Tədbirdə çıxış edən Ağstafa Regional Mədəniyyət Idarəsinin Qazax rayonu üzrə baş məsləhətçi Valeh Vəliyev,  Mədəniyyət Işçiləri Həmkarlar İttifaqı Komitəsinin sədri İsgəndər Qurbanov çıxışlaında müasir dövrdə  gənclərin vətənpərvərlik, doğma torpağa məhəbbət hissləri tərbiyəsində kitabxanaların, savadlı, təcrübəli kitabxanaçıların çox boyük rolundan söhbət açaraq Göyçək İbrahimovanın məhz belə bir  kadrlardan oldugunu vurğulayıblar. Çxış edənlər  yubliyarı təbrik etdikdən sonra  ona İsgəndər Qurbanov tərəfindən   hədiyyələr təqdim edilib. Göyçək İbrahimova əməyinə yüksək qiymət verildiyinə görə kollektivə minnətdarlığını bildirib.