27 may 2024-cü il tarixində Ağstafa rayon Mədəniyyət Mərkəzi 28 May - Müstəqillik Günü münasibətilə tədbir  keçirdi. Tədbirin əvvəlində Dövlət himni səsləndirildi,  Ümummilli lider Heydər Əliyevin və şəhidlərimizin əziz xatirəsi bir dəqiqəlik sükutla yad edildi. Sonra “28 may- Müstəqillik günü” mövzusunda video çarx təqdim olundu.  Tədbirdə çıxış edənlər 1918-ci il mayın 28-də Azərbaycan Xalq Cümhuriyyətinin Milli Şurasının İstiqlal Bəyannaməsini imzalamaqla Azərbaycanın müstəqilliyini dünyaya bəyan etməklə xalqımızın çoxəsrlik dövlətçilik ənənələrini davam etdirdiyini vurğuladılar. O cümlədən  müstəqil Azərbaycan dövlətinin yenidən möhkəm təməllər üzərində qurulmasında, dünyada tanıdılmasında Ümummilli Lider Heydər Əliyevin əvəzsiz tarixi xidmətlərindən geniş söhbət açıldı.  Xususi olaraq qeyd olundu ki, ərazi bütövlüyünü tam bərpa edən Azərbaycan indi müstəqilliyinin ən gözəl illərini yaşayır.