Şəmkir rayon Mərkəzi Kitabxanasının uşaq şöbəsi tərəfindən  Xalq yazıçısı, Əməkdar incəsənət xadimi, nasir, dramaturq İlyas Əfəndiyevin anadan olmasının 110 illiyi ilə əlaqədar olaraq 23.05.2024-cü il tarixdə “Ruhu Qarabağla səsləşən İlyas Əfəndiyev” başlığı altında tədbir təşkil edilib.

Kitabxananın əməkdaşı  tədbir iştirakçılarına bildirib ki, İlyas Əfəndiyev ədəbiyyata gəldiyi ilk illərdən qələmə aldığı hekayə, roman və dram əsərlərinin əksəriyyətini Qarabağ mövzusuna həsr edib. Ömrünün sonuna qədər də bu mövqeyini qoruyub saxlayıb. İlyas Əfəndiyev dramaturgiyası və ədibin Qarabağ mövzusuna həsr etdiyi əsərləri zaman keçdikçə dəyərini və aktuallığını itirmir, əksinə, oxucuların, tamaşaçıların nəzərində daha da yüksəlir. Daha sonra  mövzu ilə bağlı  tərtib edilmiş kitab sərgisinə baxış keçirilib.