22 may 2024-cü il tarixdə Tovuz rayon Mərkəzi kitabxanasında Xalq yazıçısı, nasir, dramaturq İlyas Əfəndiyevin anadan olmasının 110 illiyi ilə əlaqədar "İlyas Əfəndiyev-110" başlığında sərgi və əsərlərinin biblioqrafik icmalı təşkil olunub.
Tədbirdə çıxış edənlər  özünəməxsus yaradıcılıq üsulu ilə Azərbaycan ədəbiyyatının əvəzolunmaz simalarından olan İlyas Əfəndiyevin həyat və yaradıcılığı barədə geniş məlumat verib və bildiriblər ki, ədibin əsərlərinin qəhrəmanları ülvi məqsədləri, mübarizliyi, xarakterlərinin bütövlüyü, yaşadığı hisslərin, duyğuların təbiiliyi ilə yaddaşlara həkk olunmuşdur. "Söyüdlü arx", "Körpüsalanlar", "Dağlar arxasında üç dost", "Sarıköynəklə Valehin nağılı", "Geriyə baxma qoca", "Üçatılan", "Sən həmişə mənimləsən" və onlarla bu kimi əsərləri milyonlarla oxucu  və tamaşaçının rəğbətini qazanmışdır. O, öz pyesləri ilə də teatr səhnəmizə yeni bir nəfəs gətirmişdir.
Tədbirin sonunda "İlyas Əfəndiyev-100" başlığında sərgiyə baxış olub.