15 may 2024-cü il tarixdə Tovuz rayon Heydər Əliyev Mərkəzində “Beynəlxalq ailə günü” ilə əlaqədar mədəniyyət müəssisələrinin birgə təşkilatçılığı ilə “Sağlam ailə,sağlam gələcək” adlı tədbir keçirilib. Tədbir iştirakçıları çıxışları zamanı Azərbaycanda dövlət ailə siyasətinin formalaşması Ümummilli liderimiz Heydər Əliyevin adı ilə bağlı olduğunu diqqətə çatdırıblar.

Ulu öndər Heydər Əliyevin ailə siyasəti Azərbaycanda bu gün də məqsədyönlü şəkildə həyata keçirilir və inkişaf etdirilir. Dövlət başçısı cənab İlham Əliyev və Birinci vitse-prezident, Heydər Əliyev Fondunun prezidenti Mehriban xanım Əliyeva Azərbaycanın milli-mənəvi dəyərlərinin qorunmasında böyük diqqət və qayğı göstərir.

Bu gün Azərbaycanda Beynəlxalq Ailə Gününün qeyd olunmasının ənənəyə çevrilməsi məhz dövlətin beynəlxalq əməkdaşlıq prinsiplərini əsas tutaraq, bu sahəyə göstərdiyi xüsusi diqqəti kimi qəbul edilməlidir.