Martın 7- də Tovuz rayon Qovlar şəhər Uşaq Musiqi Məktəbində 8 Mart Beynəlxalq Qadınlar günü ilə bağlı " Qadın təbəssümü dünyadır" adlı tədbir təşkil olunub. İlk öncə məktəbin dirüktoru Vəfa Kərimova bütün qadınları bu gün münasibəti ilə təbrik edib. Daha sonra qeyd edib ki, qadınlar həyatın mənası, bəzəyi və əbədi gözəlliyidir. Ülvilik, zəriflik və gözəllik rəmzi olan qadın, ana adı ölkəmizdə həmişə uca tutulmuşdur. Azərbaycan qadını bütün dövrlərdə öz istedadı və əzmi ilə mənəvi dəyərlərin qorunub saxlanılmasında müstəsna xidmətlər göstərmişdir. Azərbaycan qadını dünyaya bəşəriyyətin mədəni fikir xəzinəsinin incilərini yaradan ədəbi şəxsiyyətlər, görkəmli elm və sənət adamları, tanınmış siyasi xadimlər bəxş etmişdir. Tədbir konsert proqramı ilə davam etdirilib.