Qazax rayon MKS 26 fevral Xocalı Soyqırımı Gününün 32-ci il dönümünə həsr olunmuş Tədbirlər Planına uyğun olaraq Mərkəzi kitabxana və filiallarda tədbirlər keçirib.

E.Hüseynov adına Mərkəzi kitabxanada “26 fevral Xocalı Soyqırımı: Unutma!” adlı foto-stend hazırlanıb, sərgi təşkil olunub. 23 fevral 2024-cü il tarixdə “Qana boyanmış Xocalı” adlı videoçarx nümayiş olunub. Torpaqlarımızın azadlığı uğrunda qurban gedən Şəhidlərin ruhu bir dəqiqəlik sükutla yad edilib. Nümayiş olunan videoçarxda mənfur düşmənin insanlığa sığmayan amasızlıqla törətdikləri qandonduran faciəni əks etdirən materiallarla yanaşı, Ümummilli lider Heydər Əliyevin Xocalı faciəsi hadisəsinə və soyqırım qurbanları haqqında tarixi çıxışı, Zəfər yazan Sərkərdə, Müzəffər Ali Baş Komandan İlham Əliyevin faciə qurbanlarının xatirəsinə ucaldılan “Ana Fəryadı” abidəsinə ziyarəti və əsasən də tarixmizə qanlı ləkə - “Yer üzündə bir Şəhid Şəhər”, “Xocalı-bir tabut” olan Xocalı şəhərinin azadlığını nümayiş etdirərək şanlı Azərbaycan bayrağını ucaltması, gül-çiçəkli şəhər salındığını əks etdirən möhtəşəm görüntülər xüsusi qürurla izlənilib. Faciəyə dair şeirlər söylənilib, fikirlər dinlənilib.