23 fevral 2024- cür il tarixində Qazax rayon Tarix Diyarşünaslıq Muzeyində 26 fevral Xocalı soyqırımının 32 -ci ildönümünə həsr olunmuş "Xocalı qan yaddaşımız" adlı dəyirmi masa keçirilib.Tədbirdə Səlim Əfəndiyev adına 1 saylı tam orta məktəbin 6-cı sinif şagirdləri iştirak ediblər.Tədbir torpaqlarımızın işğaldan azad edilməsi uğrunda canlarını qurban vermiş şəhidlərimizin əziz xatirəsinin bir dəqiqəlik, sükutla yad edilməsi ilə başlayıb.Tədbiri muzeyin bələdçisi Arzu Alıyeva açaraq qeyd edib ki, Azərbaycan xalqının qan yaddaşına acımasız işgəncələri, naməlum talehləri ilə itkin düşən ailələrin sönən ümidləri ilə,balaca ürkək gözləri ilə insanlığa sığmaz işgəncələrin şahidi olan körpələrimizin ölümləri ilə yazıldı.Mövzu ətrafında şagirdlərin çıxışları dinlənilib.Tədbirin sonunda şagirdlər muzeyin" Şəhidlər ölməz,Vətən bölünməz"guşəsi ilə tanış olublar.