26 fevral 2024-cü il tarixində Tovuz rayon Heydər Əliyev Mərkəzinin, Mərkəzi kitabxananın, Azərbaycan Aşıq Sənəti Dövlət muzeyinin və Tarix -Diyarşünaslıq muzeyinin birgə təşkilatçılığı ilə Xocalı faciəsinin 32-ci ildönümünə həsr olunmuş "Xocalı-qan yaddaşımız" adlı tədbir keçirildi. Əvvəlcə Xocalı şəhidlərinin və torpaqlarımızın ərazi bütövlüyü uğrunda canından keçmiş bütün şəhidlərin əziz xatirəsi bir dəqiqəlik sükutla yad olundu. Soyqırım haqqında çıxışlarda 20-ci əsrin faciəsi haqqında tarixi faktlardan, ermənilərin Xocalıda törətdikləri qətliam və dinc əhali üzərindəki mənfur əməllərindən bəhs olundu. Daha sonra Xocalı faciəsinə həsr olunmuş "Xocalı-Bir millətin kədəri" sənədli filmi nümayiş olundu. Tədbirdə Mərkəzi kitabxananın əməkdaşlarının təşkil etdiyi sərgiyə baxış keçirildi.