26 fevral 2024-cü il tarixində Tovuz rayon Düz Qırıqlı kənd Uşaq Musiqi Məktəbində Xocalı Soyqırımının 32-ci ildönümünə həsr olunmuş “Tarixin qan yaddaşı – Xocalı” mövzusunda konfrans keçirilib. Müəllim və şagird kollektivinin iştirakı ilə keçirilən tədbirdə öncə faciə qurbanlarının və şəhidlərimizin əziz xatirəsi anılıb.

Giriş sözü ilə çıxış edən məktəbin direktoru Xəyal Nağıyev Xocalıda törədilən soyqırım aktı barədə geniş məlumat verib, bu faciənin sosial şəbəkələrdə və s. dünyaya çatdırılmasında Azərbaycan gəncliyinin üzərinə düşən vəzifələrdən danışıb.

Tədbirin davamında məktəbin müəllimləri - Sevda Məmmədova, Arifə Umudova, Esmira Rəsulova mövzu ətrafında çıxışlar edib, şagirdlərin ifasında Xocalı soyqırımına həsr olunmuş şeirlər səsləndirib, ədəbi-bədii kompozisiyaya tamaşa edilib.

Tədbirin davamında həmçinin, “Virtual Qarabağ” İnformasiya–Kommunikasiya Texnologiyaları Mərkəzinin Gənclər və İdman Nazirliyinin dəstəyi ilə istehsal etdiyi “Xocalı: Bir millətin kədəri" fİlmi nümayiş etdirilib.