27 fevral 2024-cü il tarixdə Qazax rayon Mədəniyyət Mərkəzində mədəniyyət müəssisələrinin birgə təşkilatçılığı ilə Novruz bayramının ilk müjdəçisi olan Su çərşənbəsi qeyd edilib.

Bayram tədbirində milli mətbəximizin nümunələri olan şirniyyatlar, təamlar, yerli sənətkarların əl işləri, Qazax Dövlət Rəsm Qalereyasının dərnək üzvlərinin Novruza, Bahara həsr etdikləri rəsm əsərləri nümayiş olunub. Tədbir boyu Qazax Dövlət Dram Teatrının və Tovuz rayon Xalq Teatrının aktyorlarının ifasında maraqlı səhnəciklər, qədim musiqi alətlərindən olan saz və qara zurnada milli musiqi nömrələri ifa olunub. Su çərşənbəsinə məxsus adət-ənənələr tədbir iştirakçılarında xoş ovqat yaradıb.