Qazax-Tovuz Regional Mədəniyyət İdarəsinin təşkilatçılığı ilə uşaq və gənclər arasında I Regional Aşıq sənəti müsabiqəsi keçiriləcək.

 

Müsabiqənin keçirilməsində əsas məqsəd, Regional İdarəni əhatə edən rayonlarda (Qazax, Ağstafa, Tovuz, Şəmkir və Gədəbəy ) Aşıq sənətində uşaq və gənclərin peşəkarlıq səviyyəsinin yüksəldilməsi, xüsusi istedada malik olan ifaçıların aşkar edilməsi və bu sahənin regionda canlandırılmasının təmin edilməsinə dəstək verir.

İki mərhələdən ibarət müsabiqədə 8-29 yaş arası uşaq və gənclər olmaqla üç yaş qrupunda (8-13 yaş, 14-18 yaş və 19-29 yaş) iştirak edə bilərlər. Birinci tur 14-16 mart 2024-cü il, ikinci tur isə 4-6 aprel 2024-cü il tarixdə keçiriləcək.

 

Müsabiqədə qeyd olunan yaşlar üzrə aşıq sənəti, balaban və saz ifaçılığı ilə məşğul olan istedadlı uşaq və gənclər iştirak edə bilər. İştirakçılar martın 11-dək sənədləri (tam doldurulmuş və imzalanmış anket forması, 2 ədəd 3x4 ölçülü foto şəkil, şəxsiyyəti təsdiq edən sənədin surəti) Qazax rayonu üzrə Mədəniyyət Mərkəzinə, Ağstafa rayonu üzrə Mədəniyyət Mərkəzinə, Tovuz rayonu üzrə Mədəniyyət Mərkəzinə, Şəmkir rayonu üzrə Mədəniyyət Mərkəzinə və Gədəbəy rayon üzrə Mədəniyyət Mərkəzinə təqdim edə bilərlər. Eyni zamanda qeyd olunan sənədləri qazax.tovuz.rmi@gmail.com e-mail ünvanına göndərməklə də qeydiyyatdan keçmək mümkündür.

Anketi əldə etmək üçün aşağıdakı linkə daxil olun.

 

https://we.tl/t-eOCx1u237i 

 

Əlavə məlumat üçün (02222)53927 telefon nömrəsi ilə əlaqə saxlaya bilərsiniz.