22 fevral 2024-cü il tarixində Tovuz rayon Mərkəzi kitabxanası A.S.Puşkin adına Tovuz şəhər tam orta məktəbində yazıçı-dramaturq Cəlil Məmmədquluzadənin anadan olmasının 155 illiyi ilə əlaqədar "Cəlil Məmmədquluzadə-155" mövzusunda sərgi və yazıçının əsərlərinin biblioqrafik xülasəsini təşkil edib.

Tədbirdə görkəmli Azərbaycan yazıçısı və ictimai siyasi xadim Cəlil Məmmədquluzadənin bədii-publisist yaradıcılığı və çoxcəhətli fəaliyyəti barədə şagirdlərə məlumat verilib və qeyd olunub ki, ədəbiyyatımızda ən milli və bəşəri yazıçılardan olan Cəlil Məmmədquluzadə yaradıcılığı Azərbaycan ədəbiyyatının həmişəlik bədii sərvətinə çevrilmişdir. Belə ki, "Danabaş kəndinin əhvalatları", "Poçt qutusu", "Pirverdinin xoruzu", "Qurbanəli bəy" və onlarla bu kimi nəsr əsərləri günümüzdə də öz aktuallığını əks etdirir.