Şəmkir rayon Mərkəzləşdirilmiş Kitabxana Sisteminin 1 saylı şəhər kitabxana filialı Xocalı soyqırımı ilə əlaqədar olaraq Nəriman Nərimanov adına şəhər tam orta məktəbin şagirdləri ilə birlikdə 22.01.2024- cü il tarixdə “ Bir gecənin fəryadı” başlığı altında tədbir təşkil edib.Kitabxana filialının müdiri Xocalı soyqırımı ilə bağlı məktəblilərə məlumat verərək bildirib ki, tarixə, insanlığa qarşı öz vəhşiliyinə və qəddarlığına görə ən dəhşətli kütləvi terror hadisələrindən biri kimi düşmüş Xocalı soyqırımının törədilməsindən otuz iki il keçir. 1992-ci ilin o müdhiş fevral gecəsi Ermənistan Silahlı Qüvvələri Sovet İttifaqı ordusunun 366-cı alayının köməyi və iştirakı ilə Xocalının sakinlərinə qarşı dəhşətli soyqırımı ediblər. Böyük, misli görünməmiş vəhşiliklə həyata keçirilən bu soyqırım XX əsrin ən dəhşətli faciələrindən biridir. Dinc, silahsız xocalılara bir gecənin içində böyük zərbələr vurulub. Soyqırım nəticəsində yüzlərlə xocalılı qadın, kişi, yaşlı, gənc, körpə, uşaq həlak olub. Yüzlərlə xocalılı yaralanıb, xəsarət alıb, şikəst olub. Yüzlərlə insan əsir düşüb.Daha sonra şagirdlər mövzu ilə bağlı tərtib edilmiş sərgiyə baxış keçiriblər.