13 fevral 2024-cü il tarixdə Qazax rayon MKS-nin E.Hüseynov adına Mərkəzi kitabxanası oxu zalında “Qazax elinin Şəhidləri: Müqəddəs and yerimiz!” adlı videoçarx nümayiş etdirib. Tələbə, fəal oxucu və kitabxana əməkdaşlarının iştirak etdiyi tədbirdə müqəddəs and yerimiz olan Şəhidlərin əziz xatirəsi bir dəqiqəlik sükutla yad edilib. Şöbə müdiri Fatma Hüseynova qədim və şanlı tarixi olan Azərbaycanın Vətən sevgisini canlarından əziz tutan, Vətənimizin müstəqilliyi, torpaqlarımızın azadlığı uğrunda canından keçən qəhrəmanlar Vətəni olduğunu qeyd edib. ..

“Qazax elinin Şəhidləri: Müqəddəs and yerimiz!” adlı videoçarxda doğum günləri Fevral ayına düşən Azərbaycanın Milli Qəhrəmanları Mübariz Ağakərim oğlu İbrahimovun, Təbriz Xəlil Rza oğlu Xəlilbəylinin, Bəylər Tapdıq oğlu Ağayevin, eyni zamanda 44 günlük vətən müharibəsinin Qazax Şəhidləri Nağıyev Murad Mayıl oğlunun, Abdullayev Taleh Temraz oğlunun, Qurbanov Davud Taryel oğlunun, Nəsibov Asəf Səfəralı oğlunun, Qaragözov Alixan Əkbər oğlunun, Əliyev İlkin Bəxtiyar oğlunun qısa şərəfli ömür yollarından epizodlar nümayiş olunub. “Təki Vətən sağ olsun!” deyərək Vətənin bütövlüyü arzusu ilə Şəhidliyə ucalan müqəddəslərimizin əziz xatirəsi əbədi qəlbimizdə yaşayacaq.