Yanvarın 26-da Tovuz rayon Mərkəzi kitabxanasında müasir Azərbaycan şeirinin yaradıcılarından olan, istiqlal şairimiz Əli Tudənin anadan olmasının 100 illiyi ilə əlaqədar "Əli Tudə-100" başlığında şairin əsərlərinin biblioqrafik xülasəsi və eyni adlı sərgi təşkil olunub.

Tədbirdə şairin həyat və yaradıcılığı barədə iştirakçılara məlumat verilib və bildirilib ki, ömrünün 50 ildən çoxunu milli poeziyasının inkişafına həsr etmiş şair ilk ana dili dərsliyinin müəllifi olmuşdur. Onun "Vətən sevgisi", "Məhbusların son sözü", "Arazın o tayında", "Vətən torpağı", "Mənim səsim", "Söz ömrü" və başqa kitabları maraqla qarşılanır.

Tədbirin sonunda "Əli Tudə-100" başlığında sərgiyə baxış olub.