02 fevral 2023-cü il tarixində Ağstafa rayon Hüseyn Arif ev muzeyində 2 fevral gənclər günü münasibətilə "Bizi parlaq gələcəyə aparan gənclik"başlığı altında tədbir keçirildi.Tədbirdə ilk öncə Ağstafa rayon Hüseyn Arif ev muzeyinin əməkdaşı Ləman Rəhimova Azərbaycanın azadlığı uğrunda şəhid olmuş vətən gənclərinə həsr olunmuş məruzə ilə çıxış etdi.Daha sonra Ağstafa rayon Tarix Diyarşünaslıq muzeyinin əməkdaşı Aynur Aslanova çıxış edərək bildirdi ki,ölkəmizdə gənclərə qayğı hər zaman ölkə rəhbəri tərəfindən diqqət mərkəzində olmuş,gənclərin sosial problemlərinin həlli istiqamətində mühüm işlər görülmüşdür.Ağstafa şəhər 1 saylı folklor klubunun əməkdaşı Ramilə Musayeva çıxışında gənclər gününün əlamətdar bir gün kimi qeyd edilməsinin ölkə tarixində mühüm əhəmiyyət kəsb etdiyini xüsusilə vurğuladı.Sonda bu gün münasibətilə bir daha gənclər təbrik edildi.Gənclər gününüz mübarək Azərbaycan gəncləri!