18 yanvar 2024-cü il tarixində Ağstafa rayon Hüseyn Arif ev muzeyində Ağstafa rayon Hüseyn Arif ev muzeyi və Ağstafa rayon Tarix-Diyarşünaslıq muzeyinin birgə təşkilatçılığı ilə 20 yanvar faciəsinin 34-cü ildönümünə həsr olunmuş "Tariximizin qan yaddaşı" adlı tədbir qeyd edilib.Tədbirə başlamazdan öncə 20 yanvar şəhidlərinin xatirəsi bir dəqiqəlik sükutla yad edildi.Ağstafa rayon Hüseyn Arif ev muzeyi əməkdaşı Səidə Quliyeva tədbiri giriş sözü ilə açaraq 20 yanvar hadisəsinin XX əsr tarixində insanlığa və bəşəriyyətə qarşı ən amansız və dəhşətli bir faciə olduğunu,bu hadisənin xalqımızı qəlbən sarsıtdığını qeyd etdi.Daha sonra Ağstafa rayon Tarix Diyarşünaslıq muzeyinin əməkdaşı Qafarova Mətanət yanvar hadidəsinin Azərbaycan xalqının əzmini qıra bilməməsindən,xalqımızın yenilməzliyindən ,vətənə,torpağa sədaqətindən bəhs etdi və çıxışında bir daha vurğuladı ki ,,bu gün Azərbaycanın güclü lideri,güclü prezidenti var və Azərbaycan yenilməzdir.Tədbirdə iştirak edən Ağstafa rayon orta məktəb şagirdlərinin ifalarında qanlı yanvara həsr olunmuş şerlər dinlənild.Allahdan şəhidlərimizə rəhmət diləyirik.