Şəmkir rayon Mərkəzləşdirilmiş Kitabxana Sisteminin 1 saylı şəhər kitabxana filialı 20 Yanvar Ümumxalq Hüzn Günü ilə əlaqədar olaraq Nəriman Nərimanov adına şəhər tam orta məktəbin şagirdləri ilə birlikdə 19.01.2024- cü il tarixdə “ 20 Yanvar Qan yaddaşımızdır” başlığı altında anım günü təşkil edib.Kitabxana filialının əməkdaşı 20 Yanvar faciəsi ilə bağlı məktəblilərə məlumat verərək bildirib ki, 1990-cı il yanvarın 19-dan 20-nə keçən gecə baş verən hadisələr Azərbaycan xalqının müstəqillik uğrunda mübarizə əzmini qıra bilməyib, igid oğullarımız şəhidlik zirvəsinə yüksələrək, xalqımızın yenilməzliyini, qəhrəmanlığını, Vətənə, torpağa sədaqətini bütün dünyaya, ən əsası isə faciənin təşkilatçılarına nümayiş etdiriblər.Şagirdlər mövzu ilə bağlı kitab sərgisinə baxış keçiriblər.Daha sonra kitabxana filialının əməkdaşı şagirdlərlə birlikdə Şəmkir şəhərində yerləşən 20 Yanvar qurbanlarının xatirəsinə ucaldılmış abidəni ziyarət edib,abidə önünə tər qərənfillər düzüblər.