19.01.2024 - cü il tarixində Qazax Tarix Diyarşünaslıq Muzeyində 20 Yanvar faciəsinin 34 illiyinə həsr olunmuş "20 Yanvar -Hüzn və Milli Qürur Günümüz" mövzusunda dəyirmi masa keçirilib. Tədbirdə Qazax şəhər 1 nömrəli tam orta məktəbin 7- ci sinif şagirdləri iştirak ediblər. İlk öncə şəhidlərin əziz xatirəsi bir dəqiqəlik sükütla yad edilib. Muzeyin bələdçisi Arzu Alıyeva şagirdlərə 20 yanvar faciəsinin baş vermə səbəbləri, hadisə haqqında ətraflı məlumat verərək bildirib ki, Azərbaycan var olduqca bu tarixi gün hər zaman ümumxalq hüzn günü kimi qeyd olunacaq. 20 Yanvar həm də Azərbaycan xalqının bütün sonrakı qələbələrinin başlanğıcı olub. Buna görə biz buna həm də qürur yerimiz deyirik!

Sonda tədbir iştirakçıları muzeydə olan "Şəhidlər ölməz, Vətən bölünməz" güşəsini ziyarət ediblər.