Şəmkir rayon Mərkəzi Kitabxanasının Oxuculara Xidmət şöbəsi 20 Yanvar -Ümumxalq Hüzn Günü ilə əlaqədar olaraq 17.01.2024-cü il tarixdə "20 Yanvar -Qanla yazılan tarix " adlı xatirə günü təşkil edib.Əvvəlcə 1990-cı il yanvarın 20-də qətlə yetirilmiş soydaşlarımızın xatirəsi bir dəqiqəlik sükutla yad edilib. Kitabxananın əməkdaşı Nailə Budaqova çıxış edərək bildirib ki, həmin gün xalqımızın milli azadlıq və müstəqillik uğrunda mübarizəsinin kuliminasiya nöqtəsi olmaqla, çağdaş tariximizə qürur və şərəf mübarizəsi kimi daxil olub. Digər çıxış edənlər də həmin qanlı tarixdə baş verənlərin ölkəmizin azadlıq tarixinə qızıl hərflərlə yazıldığını qeyd etmiş, şəhidlərimizin qəhrəmanlıq salnaməsinin heç bir zaman unudulmayacağını bildiriblər.Daha sonra mövzuyla bağlı tərtib edilmiş kitab sərgisinə baxış keçirilib.