17 yanvar 2024-cü il tarixdə Tovuz rayon Heydər Əliyev Mərkəzinin, Mərkəzi kitabxananın və Tarix- diyarşünaslıq muzeyinin bir təşkilatçılığı ilə Heydər Əliyev Mərkəzində 20 Yanvar- Ümumxalq Hüzn Günü ilə əlaqədar "Qanları ilə azadlıq dastanı yazdılar" mövzusunda dəyirmi masa təşkil edilib.

Tədbirdə ilk öncə Azərbaycanın müstəqilliyi və ərazi bütövlüyü uğrunda canından keçmiş qəhrəman Vətən övladlarının xatirəsi bir dəqiqəlik sükutla yad edilib.

 Tədbirdə çıxış edənlər həmin gün xalqımızın milli azadlıq və müstəqillik uğrunda mübarizəsinin kulminasiya nöqtəsi olmaqla, çağdaş tariximizə qürur və şərəf mübarizəsi kimi daxil olduğunu xüsusi qeyd ediblər.

Tədbirin sonunda Tovuz rayon Mərkəzi kitabxananın təşkil etdiyi "Şəhidlər ölməz, Vətən bölünməz" adlı sərgiyə baxış olub.