25 dekabr 2023-cü il tarixdə Qazax rayon MKS- nin E. Hüseynov adına Mərkəzi Kitabxanası oxu zalında “Bütöv Azərbaycanın Prezidenti, Qalib Dövlətin Qalib Lideri” adlı tədbir keçirib. Tədbirdə bir qrup tələbə, fəal oxucu və kitabxana əməkdaşları iştirak edib.Tədbirdə çıxış edən şöbə müdirləri Azərbaycan Respublikasının Prezidenti İlham Əliyevin ölkəmizin qürurlu tarixini yazan, 200 ildə zəbt olunmuş, işğal olunmuş Vətən torpağını öz güclü diplomatiyası, uzaqgörənliyi, müdrikliyi, Vətən - Xalq sevgisi ilə azad edən yeganə Sərkərdə olduğunu qeyd ediblər... Yeni Azərbaycan Partiyasının üzvü kimi təmsil olunduqları Partiya Sədrinin dünya səviyyəli lider olduğundan qürur duyduqlarını bildiriblər. 

Tədbirdə çıxış edən tələbələr savadı, qətiyyəti ilə tarix yazan Lideri özlərinə örnək bildiklərini , və əməli işləri ilə Dövlət Başçısına dəstək olacaqlarını söyləyiblər. Mövzuya həsr olunmuş sərgidə Müzəffər Ali Baş Komandan İlham Əliyevin Vətənimizin bütövlüyü , iqtisadi – siyasi cəhətdən hərtərəfli inkişafı, xalqımızın xöşbəxt rifahı naminə fəaliyyətini əks etdirən kitablarla, yeni nəşrlərlə tanış olublar.