Şəmkir rayon Mərkəzi Kitabxanasının Oxuculara xidmət şöbəsi Zəfər Günü münasibətilə Nəriman Nərimanov adına şəhər tam orta məktəbində 06.11.2023 - cü il tarixində “ Tarixi qələbəmiz” başlığı altında tədbir keçirib.Kitabxananın əməkdaşı məktəblilərə məlumat verərək bildirib ki, son üç ildən bəri xalqımızın qan yaddaşında əbədiləşən, 2020-ci il sentyabr ayının 27-dən növbəti düşmən təxribatlarının qarşısını almaq məqsədiylə başlayıb, 44 gün ərzində davam edən və sonda Dağlıq Qarabağ da daxil olmaqla işğal altındakı ərazilərimizin qaytarılması ilə nəticələnən II Qarabağ Müharibəsi tariximizin ən şanlı səhifəsinə, xalqımızın iftixar və qürur mənbəyinə çevrildi. “Qarabağ Azərbaycandır!” devizi ilə başlayıb, Zəfərlə sonlanan 44 günlük yurd savaşı tarix boyu iftixar rəmzimiz, qürur mənbəyimiz olaraq qalacaqdır! Sonra mövzu ilə bağlı tərtib olunmuş sərgiyə baxış keçirilib