Şəmkir rayon Mərkəzi Kitabxanasının Uşaq şöbəsi Fərman Salmanov adına şəhər tam orta məktəbində 9 Noyabr Dövlət Bayrağı Günü ilə əlaqədar olaraq 07.11.2023 - cü il tarixində “Bir kərə yüksələn bayraq bir daha enməz!” başlığı altında tədbir keçirib. Kitabxananın əməkdaşı Türkan Rüstəmova çıxış edərək bildirib ki, Dövlət Bayrağı Günü Prezident İlham Əliyevin 2009-cu il 17 noyabr tarixli “Azərbaycan Respublikasının Dövlət Bayrağı Gününün təsis edilməsi haqqında” Sərəncamı ilə təsis edilib. Həmin il dekabrın 4-də Milli Məclis noyabrın 9-nu Dövlət Bayrağı Günü kimi rəsmiləşdirib. Məktəblilər vətənpərvərlik mövzusunda şeirlər səsləndiriblər.