Şəmkir rayon Mərkəzləşdirilmiş Kitabxana Sisteminin əməkdaşları 07.11.2023 - cü il tarixində Zəfər Günü münasibətilə Şəmkir Şəhidlər Memorial Abidə Kompleksini ziyarət ediblər, abidənin önünə təzə tər güllər qoyulub. Daha sonra tədbir “Zəfər yazan bayrağım” başlığı altında Əhməd Cavad adına şəhər Mədəniyyət Mərkəzində davam etdirilib. Əvvəlcə canlarını ölkəmizin ərazi bütövlüyü və suverenliyi uğrunda qurban vermiş şəhidlərimizin müqəddəs ruhları bir dəqiqəlik sükutla yad edilib. Azərbaycan Respublikasının Dövlət Himni səsləndirilib, Azərbaycanın tarixinə qızıl hərflərlə yazılmış Zəfər Günü barədə ətraflı məlumat verilib. Məktəblilər ədəbi-bədii kompozisiya ilə çıxış ediblər.Mövzu ilə bağlı tərtib olunmuş kitab sərgisinə baxış keçirilib.