30 dekabr 2023-cü il tarixdə Qazax rayon E. Hüseynov adına Mərkəzi kitabxana oxu zalında 31 Dekabr Dünya Azərbaycanlılarının Həmrəyliyi Günü münasibətilə “Bayramın mübarək, Zəfərli Azərbaycanım!” adlı ədəbi kompozisiya keçirib. Tədbirdə müxtəlif yaş qrupuna aid məktəblilər, fəal oxucular və kitabxana əməkdaşları iştirak edib. Tədbiri giriş sözü ilə açan MKS-nin direktoru Fəridə Xudiyeva tədbir iştirakçılarını 31 Dekabr Dünya Azərbaycanlılarının Həmrəyliyi Günü və qarşıdan gələn Yeni il münasibətilə təbrik edərək xoş arzularını bildirib. Qeyd edib ki, tarixin Azərbaycanlı dahisi, türk dünyasının böyük lideri Heydər Əliyevin uzaqgörən siyasətinin şanlı mirası - Dünya Azərbaycanlılarının Həmrəyliyi Gününün sübutu olan həmrəyliyimiz, milli birliyimiz nəticəsində 44 günlük Vətən müharibəsindəxalqımız mübarizliyini bütün dünyaya nümayiş etdirdi, eyni zamanda bu savaşda xalqımız İlham Əliyevin rəhbərliyi ilə milli həmrəyliyin ən mükəmməl nümunəsini yaratdı.

Şöbə müdiri Bəsdi Məmmədovabu il Milli Həmrəylik Gününün və Yeni ilin tamamilə fərqli, daha yüksək əhvali-ruhiyyə ilə qarşılandığını, torpaqlarımızın bütövlüklə işğaldan azad olunmasının həm də milli həmrəylimizin təntənəsi, xalqımızın öz rəhbəri ətrafında sıx birləşməsinin təcəssümü olduğunu bildirib.

Tədbirdə iştirak edən Şəhər 2 nömrəli musiqi məktəbinin saz sinfinin şagirdlərinin ifasında şən mahnılar oxunub, rəqs edilib, vətənpərvərliyə, Vətən sevgisinə həsr olunmuş şeirlər söylənilib.

 Həmçinin, Mərkəzi kitabxananın Uşaq şöbəsindəYeni il münasibətilə müxtəlif yaş qrupuna aid uşaqlarla maraqlı və əyləncəli şənlik keçirilib.