Dekabrın 27- də Tovuz rayon Qovlar şəhər Uşaq Musiqi Məktəbində Dünya Azərbaycanlılarının Həmrəyliy günü və Yeni ilin gəlişi ilə bağlı "Həmrəy olaq, bir olaq" adlı tədbir təşkil olunub. İlk öncə məktəbin direktoru Vəfa Kərimova məktəbin pedoqoji kollektivini və məktəbdə təhsil alan şagirdləri bu gün münasibəti ilə təbrik etdi və qeyd etdi ki, Həmrəyliy bayramı ilk növbədə azərbaycançılıq ideologiyasına söykənir. Azərbaycançılıq ideologiyası ətrafında birləşən hər bir soydaşımız harada yaşamasından asılı olmayaraq, ana vətənin inkişafına, onun dünya birliyində layiqli yer tutmasına və tanınmasına, mədəniyyətimizin təbliğinə töhfə verməyə özünün mənəvi borcu sayır. Dünya Azərbaycanlılarının Həmrəyliyi günü - Azərbaycan millətinin birlik şüarının simvolik günüdür. Tədbir konsert proqramı ilə davam etdirilib.