26.12.2023 - cü il tarixində Şəmkir şəhər uşaq musiqi məktəbində 31 dekabr Dünya Azərbaycanlılarının Həmrəylik günü və Yeni il münasibətilə "Yeni ilə Həmrəyliklə" adlı tədbir keçirilmişdir. Tədbirdə ilk öncə şəhidlərin ruhu 1 dəqiqəlik sükutla anılıb, daha sonra Azərbaycan Respublikasınin Dövlət Himni səslənib. Tədbirin aparıcısı çıxışında bildirib ki, 31 dekabr Azərbaycanın tarixinə Milli Həmrəylik Günü kimi daxil oldu.

 Bu tarixin rəsmiləşdirilməsi isə ümummilli lider Heydər Əliyevin adı ilə bağlıdır. Onun təşəbbüsü ilə 1991-ci ilin 16 dekabrında Naxçıvan Muxtar Respublikası Ali Məclisi Milli Həmrəylik və Birlik Gününün təsis olunması barədə qərar qəbul etdi. Bundan cəmi doqquz gün sonra Azərbaycan Respublikası Ali Sovetinin Milli Şurası hər il dekabr ayının 31- nin Azərbaycanlıların Həmrəylik Günü elan olunması barədə sərəncam verdi. Beləliklə, bu tarix dünya azərbaycanlılarının hər il sevinclə qeyd etdikləri milli bayrama çevrilmişdir.Daha sonra məktəbin müəllim və şagirdləri tərəfindən dünya və Azərbaycan bəstəkarlarının əsərləri, həmçinin Yeni ilə həsr olunmuş musiqi nömrələri səsləndirilib.