Dekabrın 18-də Tovuz rayon Düz Qırıqlı kənd Uşaq Musiqi Məktəbində uşaq və yeniyetmələrin narkomaniyaya qarşı mübarizə mövzusunda maarifləndirilməsinə həsr olunmuş “Narkomaniya öldürür” başlıqlı tədbir keçirilib. Tədbirdə məktəbin şagirdləri, gənc müəllimlərlə yanaşı tibb işçiləri iştirak edib.

Tədbirdə məktəbin direktoru vəzifəsini müvəqqəti icra edən Sevda Məmmədova, tibbi işçisi Gülər Məhərrəmova çıxış edərək bu qəbildən olan maarifləndirici tədbirlərin məktəbli gənclər üçün çox önəmli olduğunu, aparılan profilaktik işlərin böyüməkdə olan nəslin neqativ vərdişlərə meylliliyinin qarşısının alınmasında əvəzsiz rol oynadığını söyləyərək bu sahədə maarifləndirmə işinin genişləndirilməsinin vacibliyini vurğulayıblar.

Diskussiya formatında davam edən tədbirdə şagirdləri maraqlandıran suallar cavablandırılıb.