15 dekabr 2023- cü il tarixində M.P.Vaqif və M.V.Vidadinin Xatirə Muzeyinin elmi işçisi Esmira Qəribova, narkomaniyaya qarşı mübarizə ilə əlaqədar olaraq Qazax şəhər S.Əfəndiyev adına 1 saylı tam orta məktəbin 9 a sinif şagirdlərinə "Sağlam gələcək üçün narkomaniyaya yox deyək" adlı tədbir keçirib.Tədbirin keçirilməsində məqsəd şagirdləri narkomaniya və psixotrop maddələrin yaratdığı problem və fəsadlar mövzusunda maarifləndirmək və onlar arasında sağlam həyat tərzini təbliğ etmək olub.

Tədbirdə çıxış edən muzeyin əməkdaşı Qəribova Esmira dövrümüzün ağır bəlasına çevrilən narkomaniyanın zərərlərindən, insan sağlamlığı üçün təhlükələrdən, eləcə də narkotik vasitələrə yaranan asılılıqdan və ölkəmizdə narkomanlığa qarşı aparılan mübarizədən danışıb. Qeyd edib ki, narkotik vasitələrdən istifadə edən hər bir şəxs uğurlu gələcəyindən imtina etməklə, cəmiyyətdə həmişə geridə qalır və aludəçiliyin, zərərli təsirlərin fəsadlarından qurtula bilmir. Gəncləri daha düzgün və uğurlu yola yönləndirmək valideynlərdən və əsasən də müəllimlərdən asılıdır.