Şəmkir rayon Mərkəzi Kitabxanasının Oxuculara Xidmət şöbəsi Azərbaycanın görkəmli opera müğənnisi ,Xalq artisti Gülxar Həsənovanın anadan olmasının 105 illiyi münasibətilə 08.12.2023-cü il tarixində “ Səhnəmizin Ərəbzəngisi ” başlığı altında dəyirmi masa təşkil edib.Kitabxananın əməkdaşı Nailə Budaqova çıxış edərək bildirib ki, Gülxar Həsənova Azərbaycan operasının şah əsərlərində təbiiliyi, dolğunluğu və özünəməxsusluğu ilə seçilən çox sayda unudulmaz obrazlar yaratmış, ifaçılıq sənəti tariximizə yeni səhifələr yazmışdır. Gənc opera solistlərinin hazırlanmasında onun təqdirəlayiq xidmətləri vardır. Yüksək səhnə mədəniyyətinə malik sənətkar muğam, təsnif və xalq mahnılarının mahir ifaçısı kimi musiqisevərlərin qəlbində dərin izlər buraxmışdır. Azərbaycan xalqı yüz il keçsə belə, bu gözəl sənətkarı ehtiramla xatırlayır və gələcək nəsillər bu sənət məktəbindən hələ çox faydalanacaqdır.Digər çıxış edənlər də onun Azərbaycan incəsənətindəki xidmətindən bəhs ediblər.