8 dekabr 2023-cü il tarixində Qazax rayon M.P.Vaqif və M.V.Vidadinin Xatirə Muzeyində gənclərin asudə vaxtının səmərəli təşkili ilə əlaqədar olaraq "Səmərəli asudə vaxt sağlam gənclik deməkdir” başlığı altında tədbir keçirilib.Gənclərin iştirakı ilə keçirilən tədbirdə muzeyin direktoru Məhruzə Hüseynova çıxışında bildirib ki, gənclərin asudə vaxtının səmərəli şəkildə təşkili vacib məsələlərdən biridir. Çünki sağlam əqidənin formalaşması, güclü iradənin inkişafı, müsbət əxlaqi keyfiyyətlərə yiyələnmə və ümumiyyətlə, sağlam gəncliyin təməli düzgün təşkil olunmuş asudə vaxtdan da asılıdır. Şagirdlərin məktəb mühitində əldə etdikləri bilik, bacarıq və vərdişlər qədər dərsdənkənar fəaliyyətləri də onların hərtərəfli şəxsiyyət kimi formalaşmasının bir parçasıdır.