8 dekabr 2023-cü il tarixdə Qazax rayon MKS-nin E. Hüseynov adına Mərkəzi kitabxanası “Heydər Əliyev ili” çərçivəsində“Heydər Əliyev- Vətənə, Xalqa həsr edilən ömür” adlı tədbir keçirib.

Ümummilli lider Heydər Əliyevin anım gününə həsr olunmuş tədbirdə ilk öncə kitabxana əməkdaşları dərin ehtiram əlaməti olaraq Qazax şəhərində Azərbaycanın dahi xilaskarı, Azərbaycan Dövlətinin qurucusu Ulu Öndər Heydər Əliyevinadını daşıyan Parkdaxatirəsinə ucaldılan Abidəni ziyarət edib, önünə gül dəstələri qoyublar.

 Mərkəzi kitabxananın oxu zalında tələbə və fəal oxucuların iştirakı ilə davam edən tədbirdə Ulu Öndərin və torpaqlarımızın azadlığı uğrunda canlarını qurban verən Şəhidlərin ruhu bir dəqiqəlik sükutla yad edilib. Azərbaycan dövlətinin memarı və qurucusu, güclü şəxsiyyət, cəsarətli siyasi lider, xalqını dərin məhəbbətlə sevən Müdrik Rəhbərin şərəfli ömür yolunu əks etdirən“Heydər Əliyev- Vətənə, Xalqa həsr edilən ömür” adlı film izlənilib. Şöbə müdiri Fatma Hüseynova böyük siyasət üçün yaranan, təkcə bir ölkə miqyasında yox, dünya əhəmiyyətli məsələlərin həllində qətiyyətli sözünü deyə bilən nadir siyasətçi Heydər Əliyevin həyat və fəaliyyəti haqqında məlumat verib.Xüsusilə qeyd edib ki, Azərbaycanın hər bir sahəsində olduğu kimi, bu fitri istedad sahibikitabxana işi sahəsindəən dəyərli sənəd olan “Kitabxana işi haqqında” Azərbaycan Respublikasının Qanununuimzalayıb.

Sonra Ulu Öndərin 100 illiyinə həsr olunmuş “Sən elə bir Zirvəsən !” adlı sərgidəki materiallarla yaxından tanış olublar.