14 dekabr 2023-cü il tarixdə Qazax rayon MKS-nin E. Hüseynov adına Mərkəzi kitabxanası oxu zalında əməkdar elm xadimi, akademik, tarix elmləri doktoru Ziya Bünyadovun anadan olmasının 100 illyi münasibəti ilə “Şərqşünas alim, Azərbaycan tarixşünaslığının fədaisi” adlı dəyirmi masa keçirib, sərgi təşkil edib.

Tədbirdə bir qrup tələbə, fəal oxucu və kitabxana əməkdaşları iştirak edib. Şöbə müdiri qəhrəman döyüşçü, Sovet İttifaqı Qəhrəmanı, görkəmli ictimai xadim, xalqımızın düşmənlərinin qarşısında birmənalı olaraq həmişə düzgün mövqe tutması ilə seçilən, Azərbaycanın müstəqillik uğrunda başladığı mübarizə şəraitində, Qarabağ münaqişəsinin alovlandığı bir dövrdə əsl vətəndaş mövqeyi tutaraq müstəqilliyimizin və ərazi bütövlüyümüzün təmin olunması istiqamətində fəaliyyət göstərən, dünya şöhrətli tarixşünas alim Ziya Bünyadovun həyat və fəaliyyəti haqqında ətraflı məlumat verərək, 450-dən çox elmi monoqrafiya, məqalə, məruzə, şərhli tərcümələr edən, şərq dillərinin bilicisi, tərcüməçi alimin öz fundamental tədqiqatları ilə Azərbaycan şərqşünaslıq məktəbinin şöhrətini ölkənin hüdudlarından uzaqlara yaydığını bildirib. 

Mövzu ətrafında çıxış edənlər Akademik Ziya Bünyadovun elmi fəaliyyətinin Azərbaycan tarixşünaslıq elmində xüsusi bir səhifə olduğunu, tarixçi alim kimi Vətən elminin keşiyində dayandığını, Azərbaycanın mənafeyinə xidmət edərək ən müxtəlif mənbələrdən gərgin zəhmət bahasına əldə etdiyi tarixi sənədləri gənc nəslə ötürərək respublikamızda həyatını həsr etdiyi Azərbaycan tarixşünaslıq elminin yeni mərhələyə yüksəldilməsi işinə layiqli töhfələr verdiyini qeyd ediblər.

Tədbirin sonunda mövzuya həsr olunmuş sərgiyə baxış keçirilib.