Dekabrın 14-də Tovuz rayon Qovlar şəhər Uşaq Musiqi Məktəbinin və Tovuz Gənclər evinin birgə təşkilatçılığı ilə "Narkotik vasitələrin, psixotrop maddəlırin və onların prekusorlarının qanunsuz dövriyyəsi " ilə bağlı " Ağ ölümə yox deyək" adlı tədbir təşkil olunub. Mövzu ətrafında çıxış edənlər bildiriblər ki, Cəmiyyətdə "Ağ ölüm" kimi tanınan narkomaniya bəlası insan həyatında sağalmaz fəsadlar yaradır desək yanılmarıq. Bəşəriyyət üçün bəla olan irqindən, yaşından, dinindən asılı olmayaraq bütün xalqları, millətləri düşündürən ən ağrılı problemlərdən biri də narkomaniyadır. Aydın məsələdir ki, narkotiklə mübarizə uzunmüddətli, çoxşaxəli bir prosesdir.Daha sonra bildirilib ki, Azərbaycanın gələcəyi kimi dəyərləndirilən gənclərin sağlamlığının təminatı daim diqqətdə saxlanılan məsələdir. Ölkəmizin davamlı inkişafı üçün hər kəs bu mübarizədə qalib olmağa kömək etməlidir.