Dekabrın 13-də Tovuz rayon Mərkəzi kitabxanasında müasir dünyanın ən qüdrətli söz ustalarından olan qırğız xalq yazıçısı Çingiz Aytmatovun anadan olmasının 95 illiyi ilə əlaqədar "Çingiz Aytmatov-95" başlığında yazıçının əsərlərinin biblioqrafik icmalı təşkil edilib.

Tədbirdə çıxış edənlər Çingiz Aytmatovun həyat və yaradıcılığı barədə məlumat verib və bildiriblər ki, Çingiz Aytmatovun yaradıcılığı dərin milli xüsusiyyətlərə malik olduğu kimi, həm də ümumbəşəri mahiyyət və məzmun ifadə edir. Buna görə də Aytmatov dünyada ən çox oxunan yazıçılardan biridir. Onun "Gün var əsrə bərabər", "Dəniz kənarı ilə qaçan Alabaş", "Cəmilə" ,"Ağ gəmi", "Əlvida, Gülsarı" və başqa əsərləri yalnız öz ölkəsində deyil bütün dünyada maraqla qarşılanır.