11.12.2023-cü il tarixində Ağstafa rayon Mədəniyyət Mərkəzində Ümummilli Lider Heydər Əliyevin anım günü ilə əlaqədar tədbir keçirildi. "Ulu Öndər - Mədəniyyətimizin banisi " mövzusunda təşkil olunan tədbirdə rayonda fəaliyyət göstərən Mədəniyyət müəssisələrinin əməkşdaları iştirak ediblər. Dövlət himninin səsləndirilməsi, Ulu öndərin və bütün şəhidlərimizin əziz xatirəsinin bir dəqiqəlik sükutla yad olunmasından sonra "Heydər Əliyev mədəniyyətin və incəsənətin keşiycisi" adlı videoreportaj təqdim olunub. Çıxışlarda Ümummilli Lider Heydər Əliyevin mədəniyyətin inkişafına xüsusi qayğısından, bu sahədəki xidmətlərində geniş bəhs olunub. Vurğulanıb ki, Ümummilli Lider Heydər Əliyev Azərbaycan mədəniyyətinin və incəsənətinin bütün sahələrində öz izini qoymuş dahi şəxsiyyətdir. “Mədəniyyətimiz xalqımızın milli sərvətidir və intellektual mülkiyyətidir” deyən Ulu öndər Heydər Əliyevin hakimiyyəti illərində Azərbaycan xalqı dünya mədəniyyətində yaradıcı funksiyasını uğurla davam etdirirdi. Sonda məktəblilərin ifasında Xalq şairi Zəlimxan Yaqubun Heydər Əliyevin xatirəsinə həsr etdiyi "Əbədiyyat dastanı" poemasından ədəbi-bədii kompozisiya təqdim olunub.