Dekabrın 12- də Tovuz rayon Qovlar şəhər Uşaq Musiqi Məktəbində "Ümummilli Lider Heydər Əliyevin anlm günü" ilə bağlı "Dahilər unudulmur" adlı tədbir təşkil olunub. Tədbirdə çıxış edən məktəbin direktoru Vəfa Kərimova qeyd edib ki, bu gün Ulu Öndər Heydər Əliyevin anım günüdür. 20 il bundan əvvəl vətən öz böyük oğlunu itirmişdi. Ancaq bu iyirmi ilin hər bir ili Heydər Əliyev siyasətinin təntənəsi ili olmuşdur. Bu iyirmi ildə Heydər Əliyev siyasəti daim davam etdirilmiş, Azərbaycan uğurla inkişaf etmişdir. 

Daha sonra bildirilib ki, Heydər Əliyev tarixi şəxsiyyətdir, müstəqil Azərbaycanın qurucusudur. Məhz Heydər Əliyevin müdrikliyi, siyasəti nəticəsində Azərbaycan sözün əsl mənasında, müstəqil dövlətə çevrilmişdir. Ulu Öndərin Azərbaycan xalqı üçün etdiklərini saymaqla bitirmək olmaz. Ona görə də hamımız haqlı olaraq Heydər Əliyevi Azərbaycan dövlət müstəqilliyinin qurucusu kimi qəbul edirik.